Паэты-юбіляры

Прайсці па шляху Я. Коласа і завітаць у госці да Я. Купалы шасцікласнікі гімназіі змаглі, калі наведалі ў студзені выставу-падарожжа “Таленавітыя і натхнёныя”, якая была арганізавана ў гарадской бібліятэцы. Ля выставы для чытачоў сярэдняга школьнага ўзросту супрацоўнікі бібліятэкі правялі віктарыну “Жыццё на стагоддзі” па старонках жыцця і творчасці песняроў зямлі беларускай.

З нагоды святкавання 140-годдзя з дня нараджэння Я.Купалы і Я.Коласа 16 верасня ў  6 класе была праведзена гульня “Разумнікі і разумніцы” (па жыццёваму і творчаму шляху Я. Купалы і Я.Коласа). Вучні чыталі вершы, разгадвалі крыжаванкі, знаёміліся з творчасцю і жыццём пісьменнікаў. Мерапрыемства прайшло ў цікавай і добразычлівай абстаноўцы. Гімназісты яшчэ раз мелі магчымасць пераканацца ў тым, што нашы класікі пакінулі вялікую спадчыну, на якой узгадавалася не адно пакаленне, і якая на працягу дзесяцігоддзяў вывучаецца і асэнсоўваецца.

Для вучняў 5 класа 17 кастрычніка быў арганізаваны конкурс эрудытаў “Славутыя сыны Беларусі: Я.Колас і Я.Купала”. Спаборнічалі дзве каманды: “Валошкі” і “Рамонкі”. Конкурс складаўся з наступных тураў: “Дзяцінства і юнацтва Я.Купалы і Я.Коласа”, Цікавыя факты з жыцця паэтаў”, “Пазнай творы і герояў”, “Ушанаванне памяці песняроў”. Вучні паказалі добрыя веды па жыцці і творчасці Я.Купалы і Я.Коласа”. Але пераможцамі стала каманда “Валошкі”.

10 лістапада захапляльнае падарожжа “Сцежкамі Я.Купалы і Я.Коласа” для дзяцей малодшых класаў правялі вучні 5 “Г” класа. Яны расказалі цікавую інфармацыю пра сям’ю, дзяцінства і юнацтва паэтаў, іх захапленні, пра гарады і вёскі, дзе паэты жылі, вучыліся і працавалі. Напрыканцы падарожжа дзеці разгадвалі крыжаванкі і шарады-загадкі ад Я.Купалы, прачыталі любімыя вершы паэтаў “Хлопчык і лётчык”, “Алеся”, “Юрачка” і інш.

16 лістапада вучні 8 класаў прынялі ўдзел у гульні-конкурсе “I сёння з намі Колас і Купала” (да 140-годдзя з дня нараджэння класікаў). У час гульні гімназісты змаглі не толькі падагульніць і замацаваць свае веды па творчасці Янкі Купалы і Якуба Коласа, але і пашырыць свой літаратурны кругагляд.

Вучні 5 “В” класа 18 лістапада з задавальненнем прынялі ўдзел у фестывалі дзіцячых малюнкаў “Мой родны кут, як ты мне мілы…”. На конкурс было прадстаўлена 15 работ. Перамогу атрымала Турноўская Марыя, якая стварыла серыю малюнкаў да верша Я.Купалы “Спадчына”.

Вучні 11- ых класаў 22 лістапада правялі пазнавальнае мерапрыемства сярод навучэнцаў 7 “В” і 9 “В” класаў - "Сцяжыны песняроў". Пад гукі ўсім вядомай песні "Мой родны кут..." у выкананні "Песняроў" пачалося знаёмства з сапраўднымі песнярамі нашай літаратуры - Якубам Коласам і Янкам Купалам. Фотаздымкі, асноўныя факты з жыцця паэтаў, карты - схемы родных мясцін класікаў, зварот да выставы кніг, насценгазет прывівалі падлеткам любоў да свайго слова, літаратуры, Радзімы. Завяршылася мерапрыемства віктарынай, якая паказала: матэрыял засвоены!